Kryetari i Kuvendit Kadri Veseli ka uruar Feride Rushitin për çmimin ndërkombëtar për guxim që asaj i ka ndarë Departamenti amerikan i Shtetit.
Veseli nëpërmjet një postimi në Facebook ka thënë se Rushiti ka bërë punë të jashtëzakonshme, veçanërisht në mbështetjen e viktimave të dhunës seksuale gjatë luftës së fundit në vend.
Postimi i Veselit:
Urime Feride Rushitit çmimin ndërkombëtar për guxim, të ndarë nga Departamenti Amerikan i Shtetit. Zonja Rushiti ka bërë punë të jashtëzakonshme, veçanërisht në mbështetjen e viktimave të dhunës seksuale gjatë luftës së fundit në vend. Jemi krenarë që me këtë çmim tashmë janë nderuar tri gra nga Kosova: Valdete Idrizi, Arbana Xharra dhe tani edhe Feride Rushiti.
