Ramush Haradinaj e ka konfirmuar se 6 shtetasit turq tashmë janë deportuar në shtetin turk. Ai këtë e tha në fjalimin e tij në Kuvend.
Kryeministri tha se gylenistët u dëbuan dje para mesditë.
"Informatat që kam mujt me i mbledh unë ata në mesditë veç kanë qenë në Turqi. D.m.th transporti e çdo gjë ka qenë paraprakisht e koordinuar", ka shtuar ai.
Haradinaj foli edhe për shkarkimin e ministrit Flamur Sefaj dhe atij të AKI'së, Driton Gashit.
Kryeministri e sqaroi se kërkesa për shkarkimin e të dyve është i parevokuar.
Policia e Kosovës dje arrestoi dhe deportoi gjashtë shtetas turq. Tre liderët e shtetit, Hashim Thaçi, Kadri Veseli e edhe Ramush Haradinaj, thanë se nuk ishin të informuar për aksionin në fjalë.
