Shefja për Politikë të Jashtme të BE-së, Federica Mogherini prezantoi zyrtarisht nga Brukseli progres-raportin e KE-së për gjashtë vendet e Ballkanit Perëndimor.
“Nga 6 partnerët e Ballkanit Perëndimor, Serbia dhe Mali i Zi kanë ecur mirë. KE rekomandon të vendosë të hapë negociatat me Shqipërinë dhe Maqedoninë. Po punojmë për opinionin me kërkesën e Bosnje Hercegovinës dhe po ashtu me autoritetet kosovare”, tha Mogherini.
Duke theksuar se çdo vend vlerësohet në bazë të meritës së vetë për reformat, Mogherini shprehu bindjen, se reformat në këto vende do të vijojnë në të gjitha fushat.
