I akuzuari për terrorizëm Arton Ahmeti nuk është paraqitur në sallën e gjyqit në Gjykatën Themelore të Prishtinës, për të dhënë fjalën përfundimtare.
Ahmeti bashkë më Visar Ibishishin dhe shtatë të akuzuar tjerë po gjykohen për organizimin e një sulmi terrorist, të parandaluar, gjatë zhvillimit ë të ndeshjes kualifikuese për kampionatin botëror Shqipëri-Izrael, në Shkodër.
Avokatja e Ahmetit i tha trupit gjykues që i akuzuari nuk i është përgjigjur në telefon sot, e as në katër ditët e fundit.
Po ashtu, ajo tha se njëjtë kanë vepruar edhe familjarët e te akuzuarit, gjatë ditëve të fundit.
Trupi gjykues morri vendim për shtyrë të seancës për 15 minuta.
Arton Ahmeti kishte pranuar fajësinë gjatë shqyrtimeve fillestare të këtij rasti.
