Kryetari i Komunës së Gjakovës, Ardian Gjini ka deklaruar pasurinë e tij për vitin 2018 në Agjencinë Kundër Korrupsionit (AKK). Ai në këtë deklarim del se ka pasuri në vlerë prej 441 mijë e 500 euro.
Sipas deklarimit, Gjini posedon pasuri të paluajshtme, banesë me 61 metra katrorë në vlerë prej 30 mijë e 500 euro, shtëpi (e pa përfunduar) me 126 metra katrorë në vlerë prej 40 mijë euro, shtëpi me 200 metra katror që e ka trashëgim nga prindi në vlerë prej 150 mijë euro si dhe një dyqan me 95 metra katrorë në vlerë prej 190 mijë euro.
Anëtari i AAK-së ka deklaruar edhe pasurinë e luajtshme, ku posedon veturë të tipit ‘Mercedes 320 CDI’ në vlerë prej 15 mijë euro dhe veturë të tipit ‘Opel Corsa’ në vlerë prej 3 mijë euro.
Më tej, Gjini sa i përket detyrimit financiar ndaj personave juridik dhe fizik, ka një kredi me qëllim të blerjes së pronës, në vlerë prej 13 mijë euro. I njëjti këtë e ka në kohëzgjatje deri në 5 vite.
