Ministri serb: Të ndërpritet dialogu me Kosovën

Lajme

Ministri serb: Të ndërpritet dialogu me Kosovën

Më: 10 korrik 2018 Në ora: 16:17
Nenad Popoviq

Nenad Popoviq, ministër i Inovacionit dhe Zhvillimit Teknologjik, ka thënë se të gjitha negociatat me Prishtinën duhet të ndërpriten dhe vendimet ekzistuese që ishin rezultat i zbatimit të Marrëveshjes së Brukselit duhet të rishikohen.

“Arrestimi i sotëm i serbëve në Kosovë nga autoritetet separatiste shqiptare është padyshim një hyrje në një valë të re të dhunës ndaj popullit serb,” tha ai në një deklaratë për media.

Mëngjesin e sotëm janë arrestuar pesë serbë në Shillovë të Gjilanit si të dyshuar për përfshirje në veprimtari kundër rendit kushtetues dhe sigurisë së Kosovës. Të njëjtit janë liruar pasdite me procedurë të rregullt.

Mediat serbe raportuan se pesë serbët u arrestuan nën dyshimin se kanë ushtruar presion ndaj pjesëtarëve serb të FSK-së për t`u larguar nga shërbimi.

Sot mund të lexoni Shfletoni kopertinat