Në Mitrovicën e Veriut ka nisur takimi i drejtorit të ashtuquajturës Zyrë serbe për Kosovën Marko Gjuriq dhe sekretarit të Përgjithshëm të presidentit të Serbisë Nikola Selakoviq me përfaqësuesit e Listës Serbe.
Kryetari i kësaj partie Goran Rakiq tha se ky është një "moment historik", pasi Kosovës i nevojitet paqe, prosperitet dhe siguri për gjeneratat e ardhshme.
Ai vuri në dukje se çështja e Kosovës është çështje e gjithë popullit serb dhe shtoi se deri më tash ata nuk kishin pasur mundësi kujt t’i drejtoheshin në Beograd,
Ndryshe, drejtori i ashtuquajturës Zyrë serbe për Kosovën Marko Gjuriq ndodhet sot për vizitë në Mitrovicën e Veriut me leje të Ministrisë së Punëve të Jashtme të Kosovës.
Ai ishte arrestuar në mars të këtij viti pasi kishte hyrë në territorin e Kosovës pa respektuar institucionet shtetërore të vendit tonë.