Nesër do t’i jepet lamtumira mjeshtrit të letrave shqipe Dritëro Agolli.
Ministria e Kulturës shqiptare ka bërë të ditur vendimin e marrë nga Komisioni Shtetëror për homazhet e Dritëro Agollit, të cilat do të mbahen në Pallatin e Kongreseve nga ora 10:30 deri në 13:00.
Akademiku dhe shkrimtari i njohur u nda nga jeta më 3 shkurt, në moshën 85-vjeçare.
Jeta dhe vepra e tij i kanë dhënë botës shqiptare aq shumë dashuri dhe virtyt sa emri dhe nderimi ndaj tij do të mbijetojë nëpër kohëra.
Ai ishte për shumë vite kryetar i Lidhjes së Shkrimtarëve dhe Artistëve gjatë regjimit komunist, gazetar i shtypit të asaj kohe dhe deputet për afro 3 dekada në tranzicionin e vendit.
Agolli është i njohur për lirikat e ndjera të dashurisë njerëzore dhe atdhetare, kushtuar njeriut dhe vendlindjes.
