U promovua monografia “Paraqitja dhe zhvillimi i ekstremizmit islamist në Kosovë dhe vendet e rajonit” i Prof. Dr. Kolë Krasniqi

Libra

U promovua monografia “Paraqitja dhe zhvillimi i ekstremizmit islamist në Kosovë dhe vendet e rajonit” i Prof. Dr. Kolë Krasniqi

Nga: Lekë MRIJAJ Më: 23 shkurt 2018 Në ora: 18:20
Kopertina e librit

Dje, më 22 shkurt, në orën 11.00, në sallën “Konstandin Shpataraku” në Muzeun Historik Kombëtar në Tiranë, u bë promovimi i monografisë “Paraqitja dhe zhvillimi i ekstremizmit islamist në Kosovë dhe vendet e rajonit” i autorit prof. dr. Kolë Krasniqit, me parathënie nga Prof. Dr. Pajtim Ribaj dhe Prof. James Albrecht, US. Ndaj në një ceremoni të rastit që është organizuar sot në këto ambiente të bukura muzele kanë marr pjesë shumë mysafirë të shumtë nga bota akademike, politike, letrare e kulturore – ish-Presidenti Rexhep Mejdani, Profesorin e mirënjohur te shkencave te sigurisë Pajtim Ribaj, gjeneral Skënder Dodaj, Prof. James Albrecht, Ish-Ministrin e Punëve të Brendshme Dritan Demiraj, Prof. Dr. Elena Kociaqi, Dekanin e Fakultetit Juridik të Universitetit të Tiranës Prof. Dr. Altin Shegani, Prof. Dr. Azem Hajdari, Kryetarin e Këshillit Gjyqësor te Kosovës Nehat Idrizi, Prof. Dr. Enver Bytyqi, Imam Zuhdi Hajzerin, Gjeneral Reshat Maliqi, Prof. Dr. Nikollë Loka, Prof. Dr. Mark Palnikaj , ish eprori ushtarak i Shqipërisë në pension nënkoleneli Mark Marku, ish-zv.ministri i Kosovës Janez Frroku si dhe shumë përfaqësues te tjerë te institucioneve shtetërore të të dyja shteteve të Republikës së Shqipërisë dhe asaj të Kosovës.

Në fjalën tij para të pranishmëve, ishte i pari moderatori i cili foli për biografinë dhe të arriturat e këtij autori njëkohësisht e vlerësoi lartë punën akademike të Prof. Dr. Kolë Krasniqi duke theksuar se kontributi i tij në këtë fushë është mjaft i dobishëm për studentët e kësaj lëmie në vend dhe më gjerë ndaj edhe i ftoi referuesit të prezantojnë kumtesat e tyre për këtë eveniment promovimi. U lexua edhe fjalimi ( që është parathënia ) i James F. Albrecht Professor of Criminal Justice & Homeland Security Pace University, New York City, USA i cila tha se  profesori i njohur Dr. Kolë Krasniqi, përmes këtij libri ka ndriçuar në mënyrë të gjithanshme lindjen dhe zhvillimin e ekstremizmit islamik në Kosovë dhe në vendet fqinje të Ballkanit. Është interesante të theksohet fakti se vendet ku takohet Lindja me Perëndimin dhe Islami me Krishtërimin, pavarësisht rajonit se ku ndodhin ato takime, në Ballkan, në pjesën afrikane të Saharës ose në Azinë Qendrore, janë vende potenciale për shkaktimin e krizave dhe të konflikteve të ndryshme gjeopolitike. Në këtë aspekt edhe rajoni i Ballkanit, i njohur si një ambient shpërthyes dhe i karakterizuar me dallime të shpeshta etnike, fetare dhe politike dhe me një mungesë afatgjate të sigurisë, është trajtuar si një ambient ideal për nxitjen e ekstremizmave të ndryshëm politike dhe fetare. Dr. Krasniqi ka marrë masa ekstreme për ta bërë këtë pikë të qartë. Në rastin e Kosovës, që ndodhet ne zemër të Ballkanit, në të kaluarën historike janë zhvilluar shumë konflikte në mes të Evropës së krishterë qe mbështetej nga Papa roman katolik dhe Azisë islamike, e udhëhequr nga sulltani turko-osman, duke krijuar një përplasje kulturash që e transformuan Ballkanin në një urë multi-etnike dhe multi-fetare që vazhdon të lidhë Europën dhe Azinë. Për shumë shekuj, shumica e popujve në të gjithë gadishullin e Ballkanit kanë bashkjetuar në mënyrë paqësore, por kur është zhvilluar paqëndrueshmëria politike, dallimet ndëretnike, të mbështetura normalisht nga besimet fetare në konflikt, në mënyrë rutinore evoluan konflikte të armatosura. Kur Bashkimi Sovjetik dhe Jugosllavia u shpërbënë në fillim viteve 1990, paqëndrueshmëria politike dhe mungesa e mekanizmave të besueshëm të sigurisë në të gjitha ato zona çuan në nxitjen e pavarësisë rajonale që shpesh përdorin përkatësinë etnike dhe besimin fetar si parime ndarëse. Në rastin e Jugosllavisë, Serbia e krishterë ortodokse u përball kundër katolikëve romakë në Slloveni dhe Kroacisë në Veri dhe në Perëndim, kundër Bosnjes myslimane në Juglindje të Jugosllavisë dhe më vonë kundër shqiptarëve muslimanë në Kosovë dhe Maqedoni në Jug. Ndërsa ishte emërtuar si "konflikti ndëretnik", ishte e qartë se shumica e vijave të para në këto luftime ishin bazuar në ndarjet fetare. Nuk duhej shumë kohë që palët konkurruese të fitonin mbështetje në formën e furnizimeve, armëve, mercenarëve dhe përforcimeve ushtarake nga kombe të tjera. Si rezultat, armët e vogla të paligjshme dhe armët më vdekjeprurëse u kontrabanduan nga të gjitha drejtimet. Më së shumti, Serbia mori përkrahje të konsiderueshme nga bashkatdhetarët rusë, ndërsa myslimanët në Bosnjë dhe Kosovë morën përforcime të konsiderueshme nga Arabia Saudite dhe nga vende të tjera arabe, ndërsa Sllovenia dhe Kroacia morën mbështetjen e shumë kombeve evropiane, të cilat ishin me dashamirësi ndaj gjendjes së tyre të vështirë. Siç thekson qartë Dr. Krasniqi, në rastin e Kosovës, kur konflikti u stabilizua, kryesisht përmes ndërhyrjes ushtarake dhe politike të Amerikës dhe vendeve aleate europiane, kishte nevojë për mbështetje financiare dhe politike. Kosova ishte një vend i varfër dhe në periudhën pas konfliktit kishte nevojë për reforma demokratike, asistencë ekonomike dhe rindërtim thelbësor. Në këtë aspekt, Bashkimi Evropian dhe Shtetet e Bashkuara të Amerikës kishin përgjegjësinë kryesore për zhvillimin e reformave politike dhe demokratike si dhe për krijimin e institucioneve të reja shtetërore në Kosovë. Aktorët mbizotërues që vazhdojnë të promovojnë reformat politike dhe demokratike brenda Kosovës, janë Bashkimi Evropian dhe Shtetet e Bashkuara të Amerikës. Në këto rrethana dhe duke u bazuar në përkatësinë fetare të shumicës së popullsisë së Kosovës, Arabia Saudite dhe disa vende të tjera myslimane, janë paraqitur si donatorët kryesor në ofrimin e ndihmave humanitare dhe financimin e rindërtimit të vendit. Kështu organizatat e ndryshme humanitare nga Lindja se Mesme ne mënyrë te drejtpërdrejtë ose përmes institucioneve te krijuara humanitare ose fetare të vendit, kanë financuar ndërtimin ose rindërtimin e qindra xhamive dhe të objekteve të ndryshme të komunitetit mysliman në Kosovë. Kjo krijoi lidhje më të forta komunitare, por me shumë theks në indoktrinimin fetar. Mund të thuhet gjithashtu se kjo ishte një marrëveshje quid pro quo, pasi ndihma financiare lokale dhe familjare ishte e ndërthurur me një thirrje për përkatësi më të fortë fetare. Në rastin e Kosovës, kjo shpesh u shfaq nëpërmjet një lëvizjeje të forcuar drejt besimit islam Selafist dhe Vehabist. Këto versione ultra-konservatore të Islamit Sunni për fat të keq në kohë nxisin nevojën për t'u angazhuar në 'xhihad' në emër të besimit. Dhe kështu, konvertimi i shumë myslimanëve shqiptarë në Kosovë nga një formë tolerante dhe e moderuar e Islamit, në një version që mbështet konfliktin me Perëndimin dhe krishtërimin në përgjithësi, ka krijuar një mjedis ideal për zhvillimin e besimeve ekstreme fetare. Ndërsa mund të konkludohet se Kosova është kryesisht një komb laik me lidhje të forta me Perëndimin, përpjekjet politike për njohje ndërkombëtare të shpalljes së pavarësisë së vendit, e kanë shtyrë Kosovën të kërkojë lidhje më të forta me kombet anembanë globit dhe në mënyrë specifike me ato vende që mund të sigurojnë mbështetjen e nevojshme financiare dhe politike. Si e tillë, lidershipi në Kosovë gjatë dekadës së fundit ka drejtuar në mënyrë proaktive delegacionet kryesisht tek vendet arabe dhe vendet e tjera fetare muslimane për të arritur këtë mbështetje. Veç kësaj, shumë nga ata në Kosovë që janë joshur nga format radikale të Islamit, kanë ndjekur thirrjen për 'xhihad', veçanërisht kur kanë premtimin e shpërblimit financiar, përmes pagesës si mercenar islam, edhe nëse kjo përfshinte mbështetjen për të tilla organizata të dyshimta si Shteti Islamik në Siri dhe Irak. Këto konflikte ideologjike, kanë shkaktuar tendosje të madhe në përpjekjet e ligjshme politike të udhëheqjes së Kosovës, pasi Kosova shihet si një aleat i rëndësishëm rajonal i Shteteve të Bashkuara dhe Bashkimit Europian, ndërkohë që përpjekjet e religjionit te radikalizuar të këtij 'xhihadi', mund të thuhet se synojnë "armikun e përbuzur" të Perëndimit, të cilat përbëhen nga vende që kanë vazhduar të mbështesin ekzistencën e kombit. Si i tillë, Kosova dhe fqinjët e saj ballkanikë mund të përshkruhen si një urë midis Perëndimit dhe Lindjes dhe do të vazhdojnë të krijojnë një shembull të qartë të potencialit pozitiv të një kombi laik, kryesisht mysliman, i cili mund të arrijë sukses demokratik dhe të mbajë lidhje të forta me kombet me besime te shumta fetar. Megjithatë, përpjekjet për të arritur stabilitetin politik, njohjen globale dhe pavarësinë ekonomike në një mjedis pas konfliktit, sigurojnë kushtet lokale që në fund të fundit mbështesin potencialin për gjenezën e ekstremizmit fetar. Dr. Krasniqi ka ndermarr detaje ekstreme për të përshkruar se si këto fenomene janë zhvilluar brenda Kosovës, si kohët e fundit ashtu edhe për dekada, të cilat kanë lejuar që ekstremizmi fetar të përkeqësohet dhe të jetë kryesisht në kundërshtim me interesat më të mira politike dhe ekonomike të popullatës dhe udhëheqjes kombëtare të atdheut të tyre. Për këto arsye, ky libër duhet të lexohet nga zyrtarë, qeveritarë, akademikë, personeli ushtarak, studentë, studiues dhe palët e tjera të interesuara që dëshirojnë të kuptojnë më mirë bazat për gjenezën e ekstremizmit fetar dhe në këtë rast specifik, evoluimin e besimeve fundamentaliste muslimane. Për fat të keq, ky fenomen vazhdon të dëmtojë botën moderne në të gjithë globin. Duke kuptuar këto themele, ndoshta një zgjidhje e besueshme mund të zhvillohet për ta bërë botën një vend më të mirë, më të sigurt dhe më të qetë për njerezit e të gjitha besimeve fetare dhe etnive.

Në një fjalë paraprake ishte Prof. Dr. Pajtim Ribaj, i cili tha se vertetë ndihem i privilegjuar të referoj mbi librin e z Kolë Krasniqi përballë një  auditori kaq cilësor ku ndodhen personalitete mjaft të spikatur të vendit të cilët kanë kontribute të lidhura pazgjidhshmërisht me problemet e sigurisë në nivel Kombëtar e rajonal. Zakonisht çdonjëri prej nesh ndërsa prek librin me dorë, lexon titullin, emrin e autorit,  rrufeshëm mendon mbi produktin e pritshëm. Nëse produkti rezulton me  cilësi të lartë, plotëson interesat e shijet e lexuesit, libri mbetet në mendje dhe në zemër; në të kundërt është fat që të rrijë në raft. Gati gjysmë shekulli i shkolluar dhe me detyra në struktura që lidhen me sigurinë  e vendit, pa më të voglën mëdyshje theksoj se libri i zotit Krasniqi nuk është triller qëllimkeq por realisht një vlerë të shtuar në fushën shumëdimensionale e mjaft delikate të Sigurisë Kombëtare, pa lënë në periferi aspektet  psikosociale  po në interes të Sigurisë.  Rrjedhimisht ky libër duhet të studiohet me kujdes nga shtetarët, politikanët pavarësisht nga roli dhe funksioni i secilit. Nuk është vendi të përshkruaj çfarë lexova por çfarë përjetova gjatë leximit. Dy janë mesazhet që përcillen shumë qartë në libër të cilat do ti shpreh me referenca;  Gjenerali i lashtë Sun Xu në “Arti i Luftës“ shkruan;  Armiku përballë asgjësohet lehtë. Kjo nënkupton se “armiku i padukshëm” (dobësia jonë) është vështirë të zbulohet e të asgjësohet. Ndërsa F Niçe; “Për aq kohë sa të vërtetat nuk gdhenden në trupin tonë me goditje thike, ne ruajmë kundrejt tyre një farë rezerve që i ngjason përçmimit: ato na shfaqen ende tepër të ngjashme me ëndrrat e stolisura me pupla..... Sikur të mundeshim të zgjoheshim nga këto të vërteta ashtu si nga një ëndërr”.   Libri ka vlera të padiskutueshme sepse;  1. Autori si një mjek neurolog ndan me bisturi indet e dëmtuara dhe nuk hedh parfum mbi to por  zbulon shkaqet që favorizuan klimën për ringjalljen e formave të radikalizmit dhe ekstremizmit islamik si dhe shfrytëzimin me mjeshtri nga armiqtë e kombit Shqiptar për realizimin e interesave  shoviniste.  2. Lëshon dritë mbi veprimet armiqësore ndaj interesave Kombëtare të cilat maskohen nën  petkun  lirisë e besimit dhe të ushtrimit të veprimtarisë fetare. Trajektorja e veprimeve antishqiptare në libër  paraqitet si më poshtë; a. Startim me një “përshëndetje të butë” për tu kthyer në “përqafim” të hekurt e mbytës; duke  ditur se faza fillestare e zgjimit të masave ndikohet nga feja e më pas nga ideologjia. b.  Ofrim i një bollëku material “bamirës”, sëbashku me një “busull” të vlerave morale (ndalimi  pijeve alkoolike, i kumarit, konsumimi i ushqimit “hallall etj). c. Guximin për të kërkuar instalimin e zakoneve puritane të çuditshme; moskonsumimin e mishit të derrit, mospirjen e koka kolës, mbulimin me shami të femrës, ndalimin e martesave, moshoqërimi me “të pafetë”etj.  d. Sanksionimin e intolerancës dhe dasive fetare, ndryshimi i emrave, masa çnjerëzore ndaj femrës, frikësimi, kanosja, dhuna ndaj  individëve që dalin kundër rrymës, kërkesa politike për ndryshime ligjore në favor të sekteve. e. Kryerjen e akteve terroriste që shkaktojnë frikë kolektive dhe ndikojnë në vendimmarrje politike. 3 Zoti Kolë në libër argumenton pa asnjë paragjykim, në mënyrë shumë të kthjellët se; a. Analiza e terrorizmit Islamik nuk mund të nxijë botën  myslimane me rreth  1.5 miliard myslimanë. Islami dhe terrorizmi nuk kanë lidhje, madje edhe në Kuran dhuna është e dënueshme. Radikalizmi dhe ekstremizmi qoftë ai me frymëzim islamik, katolik, i krishterë ortodoks, budist, hebre funksionon jo me armata por duke përdorur si “lëndë të parë” “mish për top”, për kauza antihumane  njerëz që për bukën e gojës apo për mbijetesë  konstruktohen moralisht e shpirtërisht.  b. Kosovën para 100 vitesh e njihnin vetëm politikanët Evropianë, udhëtarë albanologë. Madje me dhunë i ndërruan emrin por në tre rastet që ndërroi emër duke qenë e sunduar bëri që Serbia ta paguajë dhunën tre herë me rrëzimin e  mbretërisë, në RFSJ e RFJ dhe sot Serbi.  Përdorimi i dhunës spastrimi etnik nuk i mposhti i forcoi ndjenjën dhe rezistencën kombëtare madje duke hedhur hapat e parë shtetformues në Lidhjen e Prizrenit. Ndërsa aktualisht kur Kosova është faktorizuar në arenën ndërkombëtare duke pasur përkrah SHBA dhe BE,  raste të ekstremizmit, pjesëmarrjes në radhët e ISIS janë disi të pashpjegueshme dhe zoti Kolë ndoshta për modesti nuk e ka trajtuar se ku qëndron e keqja. Pavarësisht se nuk ndihemi mirë duhet pranuar se ne, Tirana zyrtare  për paaftësi ose me qëllim nën petkun e  tolerancës fetare u bëmë model i keq i letargjisë ndaj rrezikut  të radikalizmit dhe ekstremizmit duke i shërbyer inspirimit të vjetër serb të spastrimit etnik. Andaj në fund të fjalës së tij Prof. Dr. Pajtim Ribaj tha se e uroj profesor Krasniqin duke i deshiruar suksese të mëtejshme në përpjekjet e e tij shkencore për të  ndriçuar sa më mirë udhën në të cilën  bashkë duhet të përshkojmë për  minimizuar me zgjuarsi çdo dukuri radikalizmi e ekstremizmi  për  të qenë  krah për krah me popujt e Evropës së zhvilluar demokratike ashtu siç kanë qenë ëndrra dhe përpjekjet e të parëve tanë.  

Ndërsa Imam Zuhdi  Hajzeri nga Peja që është  redaktor në portalin  “ FolTash” kundër ekstremizmit dhe radikalizmi, anëtar  i  Asociacionit  Botëror  i  të Diplomuarve  në  Universitetin  e  Al Ez’herit  në  Kajro, anëtar i Qendrës Evropiane për Studime të Anti Terrorizmit dhe Inteligjencës  Gjermani&Holandë për librin e Prof. Dr. Kolë Krasniqit potencoi duke thenë se natyra njerëzore është e tillë se me tu përballur me një problem, menjëherë kërkon ta zgjidhë. Ne duhet të përpiqemi sipas mundësive tona që problemeve t'ju japim zgjidhje. Disa probleme kërkojnë vetëm një orë përkushtim që të zgjidhen,  disa probleme  kërkojnë një javë, të tjera një vit dhe të tjera kërkojnë gjithë jetën angazhim siç është problemi i ekstremizmit dhe radikalizmit. Ne nuk posedojmë shkopin magjik që me një të goditur t'u japim fund problemeve. Ne jemi njerëz të thjeshtë dhe problemet tona përpiqemi t'i zgjidhim duke u bazuar në realitetin dhe aktualitetin ku jetojmë. Kushdo që lexon jetëshkrimin e Profetit  Muhamed gjen se ai përdorte shumë mënyra për zgjidhjen e problemeve dhe të gjitha ishin të moralshme, njerëzore dhe humane. Trajtimi dhe zgjidhja e një problemi, varet nga shumë faktorë, nga personi, nga ambienti ku është rritur dhe edukuar, nga kultura prej të cilës vjen etj. Problemi i ekstremizmit dhe radikalizmit është shumë kompleks, sepse është i përzier me interesa të ndryshme,  me interesa financiare e ideologjike, ky fenomen është një problem që është i ndërlidhur ngushtë edhe me interesa të armiqve tonë dhe shërbimeve të ndryshme, prandaj problemi i ekstremizmit zgjidhet duke e njohur dhe studiuar ashtu  si  profesori Kolë Krasniqi  në  librat e tij,  nga këto studime dhe libra është e lehtë të ngritën strategji për zgjidhjen e këtij problemi, por këto strategji nuk besoj se mundë të kenë sukses të plotë pa qenë të kyqur në to edhe studiuesit dhe njohësit e  këtij fenomeni  nga aspekti i sigurisë  dhe studiuesit e mirëfilltë fetarë, dhe nga të dyja palët njerëz të dëshmuar për dashurin e atdheut. Profesor Kolë Krasniqi ka bërë një përzgjedhje shumë të kujdesshme të titullit të librit, për të dërguar mesazhin, se islami si Fe nuk ka të bëjë me ekstremizmin dhe radikalizmin, por disa praktikues te fesë  në fjalët dhe veprimet e tyre janë ekstremist dhe radikalistë e këto dyja  dërgojnë në terrorizëm, apo nxisin për terrorizëm. Islami nënkupton paqe, siguri dhe shëndet. Myslimani i cili e beson dhe e praktikon islamin, është një person i cili reflekton besim në çdo njeri dhe në çdo gjë. Një njeri i tillë nuk e dëmton askënd me fjalë e as me vepra sepse islami është fe ku siguria dhe  paqja janë bazë e sajë. Kur’ani  urdhëroi se të gjithë njerëzit, madje të gjitha krijesat duhet të trajtohen me mëshirë, Kur’ani për vrasjen thotë: “vrasja e një njeriu padrejtësisht, është e barabartë me vrasjen e të gjithë njerëzimit.”  Kur’ani nuk përmend dënim më të rëndë për asnjë lloj krimi tjetër që kryhet qëllimisht, përveç se për atë që vret dikë të pafajshëm. Vrasja e njerëzve të pafajshëm madje edhe në luftë, bie në kundërshtim krejtësisht me parimet themelore të Islamit. Krim i madh është kryerja e sulmeve terroriste. Në asnjë formë, asnjë mësim dhe parim i  Islamit, nuk  mbështet vrasës të tillë gjakftohtë. Nuk është absolutisht e mundur që një mysliman i ndërgjegjshëm i cili beson në Zot të kryejë akte të tilla, ndërsa ekstremizmi dhe radikalizmi janë  nxitje në akte të tilla, apo përgatitje për akte të tilla, e sipas parimeve të islamit nxitja dënohet edhe më rëndë se vet akti i terrorit. Terrori është krim kundër njerëzimit. “Feja” dhe “terrori” janë dy koncepte që kurrë nuk mund të bashkohen. Terrori  nuk është vetëm një krim; në të përfshihen pesë krime të tjera. Një terrorist kryen krim kundër Krijuesit, kundër njerëzimit, kundër individëve ndaj të cilëve është drejtuar terrori, kundër vetvetes dhe kundër popullit pjesëtar i të cilit është. Të gjitha fetë i bashkon një kërkesë themelore; e ajo është  parimi i humanizmit, domethënë se çdo person duhet të trajtohet në mënyrë humane dhe dinjitoze. Profeti Muhamed thotë : Kujdes nga ekstremizmi sepse popujt para jush janë shkatërruar për shkak të ekstremizmi. Ndërsa një mendimtarë  islam thotë : Një terrorist nuk mund të jetë mysliman dhe një mysliman i vërtetë nuk mund të jetë terrorist tha në fund të fjalës së tij Imam Zuhdi  Hajzeri.

Prof. Dr. Azem Hajdari në kumtesen e tij tha se libri që po promovohet mban titullin “Paraqitja dhe zhvillimi i ekstremizmit islamist në Kosovë dhe vendet e rajonit” të autorit Prof. Dr. Kolë Krasniqi perbën një libër me vlera të mëdha, veshtruar nga kjo jo vetëm në kontestin shkencor , por edhe në kontest të hapsirës dhe kohës së ardhjes së tij në dritë. Së këndejmi vlera e këtij libri shtohet në peshë sidomos për faktin se ai vjen në një kohë shumë të ndjeshme , veshtruar kjo në kontest të sigurisë shtetërore të Kosovës dhe sigurisë kombëtare përgjithësisht, ku një ndikim evident po e manifeston edhe fenomeni i ekstermizmit islamik. Libri që fillon me një hyrje të shkurtër , në të cilin pasqyrohën struktura fetare në Kosovëpërhapja e besimeve fetare, kufijt e dallimit të radikalizmit nga ekstremizmi islamik dhe kuptimin e terrorizmit, vazhdon me shtjellimin e gjenezës së ekstremizmit islamik në trojet shqiptare dhe keqperdorimin e fesë për qëllime politike , me pasqyrimin e faktorëve të paraqitjës së ekstremizmit islamik, ku pasqyrohet veprimtaria e organizatave të huaja islamike në Shqipëri e Kosovë, sidomos të formave të veprimit të këtij ekstermizmi dhe për të perfunduar me rreziqet që bartë ekstermizmi islamik për Kosovën dhe popullin e saj. Librin të konkretizuar në rreth 200 faqe e begaton literature e gjerë e perdoruar dhe e konsultuar , si dhe fakti i adresimit të saj permes rreth 300 fusnotave. Në kuadër të trajtimit të tematikave të lartë cekuar autori me pedantëri të veqantë i ofron lexuesit të gjerë të dhëna të shumta , gjithnjë të nderlidhura me argument shkencore sa i perket faktorëve që kanë ndikuar në paraqitjën dhe perhapjën e ekstermizmit islamik, si dhe të formave të paraqitjes së tij në Kosovë, Ai në mënyrën shumë të qartë e vë në dukje rrezikun se ky ekstremizëm  e sjell për Kosovën dhe të ardhmën e saj. Në këtë libër autori vë në dukje faktin se në essence rrënjet e ekstremizmit islamik në Kosovë fillojnë të  ngulitën, pas vitit 1999, kur individ e organizata të ndryshme islamike vershuan Kosovën, dhe të cilat me aktivitin e tyre në teren dhe paratë që u sollën këtu indoktrinuan një pjesë të rinisë dhe të shtresave të varfëra të popullsisë me ideologji radikale fetare, dhe sforcuan tek ata idenë e zhvillimit të islamizmit politik. Ndaj në vahzdmin e fjalës e tij Prof. Dr. Azem Hajdari tha se si çdo fenomen i dëmshem edhe ekstremizmi fetar i ka shkaqet, format dhe pasojat e paraqitjës së tij në një vend apo regjion të caktuar. Autori Krasniqi, trajton që këto tri aspekte të ekstermizmit islamik. Ai në fakt shtjellimin e fokuson në faktorët që kanë deteminuar paraqitjën e tij. Si një faktor me peshë në paraqitjën e ekstremizmit fetar autori konsideron edhe keqperdorimin e fesë për qëllime politike. Permes trajtimit të këtij faktori autori vë në dukje faktin se realitetet e jetës politike gjithnjë e më shumë po deshmojnë se akterët më peshë politike në Kosovë në raste bukur të shpeshta po luajnëme kartën e fesë, sidomos asaj islame. Këtë kartë ata kryesisht po e venë në perdorim në kohë zgjedhjesh me ë zgjedhjesh me ç’rast politikan jot ë paktë ua mësynë dyerve të bashkësive fetare dhe në këmbim të votes u japin atyre premtime nga me të ndryshmet, bile në disa raste edhe pertej kufizimeve ligjore. Konsideroj se një mision i   rëndësishëm i shkencës është edhe ai adresimit të rrugëve të zhdukjës së ekstremizmit fetar , gjë për të cilin shtrohët e nevojshme të publikohën botime të veçanta dhe më shtrirje të gjërë, edhe pse autori nuk lë anash trajtimit as këtë aspekt të fenomenit të esktremizmit islamik. Vlera e këtij libri konsiston edhe në atë se autori në qasjën e tij del pertej kornizave të temës bosht që është që është “ekstremizmi islamik”. Ai vë në dukje faktin e shfaqjes se ekstremizmit edhe në kuader të feve të tjera. Veshtruar në këtë kënveshtrim bota sot është e strembushur me aktivitete ekstremiste të individëve e grupeve radikale që kanë adresë edhe besimet tjera, ashtu që të shtrohët e domosdoshme që veprimët e tilla ngado që vijnë ato të trajtohën e luftohën në mënyrë adekuate, të perherëshme edhe me fuqinë e ligjit. Shqiptarët e Kosovës si dhe vëllezërit e tyre në Shqipëri në vazhdimësi historike janë treguar tolerantë dhe kanë respektuar bindjet fetare të çdokujt në vëndin e tyre. Ky ka qenë një shëmbull model për të mirë për shumë vënde e popuj të botës. Ky ka qenë modeli që ka kontribuar shumë në sigurimin e mbijetesës së popullit Shqiptar në këtë hapsirë etnike të tij. Por për këtë aspekt, në Kosovën e  ditëve të sotme gjërat kanë ndryshuar madje shumë. Grupet ekstremiste të të gjitha llojeve, sidomos ato islamike po e degjenerojnë rrugën evropiane të Kosovës dhe popullsisë shumicë të saj. Atop o e pengojnë zhvillimin e demokracisë dhe sundimin e ligjit, po e kërcënojnë traditën e fuqishme të tolerancës në Kosov, po synojnë ta demtojnë identitetin kombëtar të shqiptarëve, sidomos vlerat më sublime të tij. Libri i Prof. Dr. Kolës, u kërkon shqiptarëve, sidomos atyre të Kosovës që palekundur ti ruajnë vlerat e tyre kombëtare. Përmes këtij libri ai jep mesazhin që të zhbëhët çdo gjë që është e mundur që të ruhët tolerance fetare e kosovarëve. Së këndejmi, në kohën kur Kosova është bërë arenë e turbulencave nga më të ndryshmet, sidomos nga atyre që vijnë nga ekstremizmi silamik, librat e tillë shkencor që i trajtojnë në aspektin shumë-dimensional këto çeshtje vlerësohën tejët të rëndësishme, bile edhe për drejtuesit e shtetit për qëndrimet dhe veprimët që ata duhët ti marrin lidhur me këto problematika ndaj në fund të fjalës së tij Prof. Dr. Azem Hajdari tha se pavarsisht asaj që u theksua më lartë, konsideroj se vlerën e vertetëtë këtij libri do ta caktoj vetë lexuesi i gjërë i Kosovës dhe trojeve të tjera shqiptare e më gjërë që do të thotë se nuk e kam asnjë se vlerësimi që do jep ky lexues do të jetë po ai që u than ë promovim të këtij libri. Ishte Prof. Dr. Elena Kociaqi, Dekane e Fakultetit Juridik të Universitetit të Tiranës e cila me nga një fjalë rasti e pergezoj autorin e këtij librit “Paraqitja dhe zhvillimi i ekstremizmit islamist në Kosovë dhe në vëndet e rajonit” Prof. Dr.Kolë Krasniqin.  Më pas ishte Prof. Dr.Kolë Krasniqi, autori i librit “Paraqitja dhe zhvillimi i ekstremizmit islamist në Kosovë dhe në vëndet e rajonit” i cili tha se është një kënaqësi dhe nder i veçantë të dëgjosh fjalë aq të mira për librin tim, nga një profesor i mirënjohur në shkencën evropiane dhe një gjeneral me reputacion në strukturat e sigurisë rajonale.Qëllimi i këtij libri, nuk është polemizimi me qëndrimet e ndryshme rreth ekzistimit apo jo të “ekstremizmi islamist” në Kosovë, Shqipëri ose ne vendet tjera te rajonit, por te ofrohen informacione faktografike dhe argumente shkencore lidhur me rrethanat unikate sociale, etnike dhe historike, që kanë ndikuar në paraqitjen e këtij fenomeni, i cili nganjëherë po i atakon edhe ndjenjat e unitetit dhe të sigurisë kombëtare. Themi “rrethana unikate” nga fakti se populli shqiptar kudo qe jeton ne trojet e veta etnike, e sidomos ai në Kosovë, e shpreh publikisht respektin ndaj të kaluarës së vet të krishterë dhe falënderimin ndaj Shteteve të Bashkuara të Amerikës dhe Bashkimit Evropian për ndihmat e ofruara gjatë luftës për çlirimin e vendit dhe për përkrahjen e gjithanshme në ndërtimin e shtetit demokratik të Kosovës dhe njohjen ndërkombëtare të tij. Do te ndjehesha shume i lumtur ne qofte se ky libër kuptohet ashtu si kuptohen dhe trajtohen qindra libra qe shkruhen çdo vit ne Austri, Norvegji, Suedi etj., lidhur me format dhe pasojat e paraqitjes se korrupsionit ne vendet e tyre, edhe pse ato shtete e kanë shkallën më të ulët të korrupsionit në botë, e jo të kuptohet ose te interpretohet ky libër ne kontekst te ndonjë tendence për ta paraqitur Kosovën si një vend të ngërthyer nga ekstremizmi islamist. Qëllimi i promovimit të këtij libri në Tiranë, është sensibilizimi i inteligjencës shqiptare për domosdoshmërinë e përkufizimit unik të kuptimit të radikalizmit dhe te ekstremizmit fetar, qe duhet te vlejnë për te gjitha besimet fetare, si në Kosovë ashtu edhe në Shqipëri, e jo një veprim ne Kosovë të trajtohet si ekstremist, ndërsa në të njëjtën kohë në Shqipëri, një veprim i ngjashëm te trajtohet si aktivitet i zakonshëm fetar, ose anasjelltas. Nevoja për sqarimin dhe përkufizimin unik të kuptimit të radikalizmit dhe te ekstremizmit fetar imponohet edhe nga fakti se kemi një gjak, një gjuhë, pra kemi një identitet të njëjtë kombëtar dhe kemi detyrim historik dhe kushtetues për ruajtjen e vlerave më sublime të kombit tonë, të cilat kanë filluar nganjëherë të sulmohen, jo vetëm nga individët ose grupet e caktuara të personave, por edhe nga veprimtaria operative e disa shërbimeve të huaja inteligjente, te cilat e trajtojnë harmoninë fetare te shqiptarët, si njërën nga pengesat kryesore për realizimin e doktrinave te tyre ekspansioniste ose destruktive në Ballkan. Kjo argumentohet edhe përmes disa fakteve te publikuara në këtë libër që flasin për stimulimin e ekstremizmit islamist nga regjimi i mëparshëm diktatorial serb në Kosovë, i cili e kishte përkrahur ne forma te ndryshme përhapjen e ideologjisë radikale islamiste, si një ideologji konsumuese, komprometuese dhe aleate me besnike për luftimin e “nacionalizmit shqiptar”.  Në fund, të fjalës së tij Prof. Dr. Kola tha se ndjehem i detyruar ta falënderoj nga zemra Prof. Dr Pajtim Ribaj për të gjitha këshillat e ofruara profesionale. Gjithashtu e falenderoj edhe Profesor James Albrecht, i cili si njohës i shkëlqyer i rrethanave në Ballkan, me mbështeti moralisht ne publikimin e këtij libri. E falënderoj edhe kolegun tim të dashur, recensentin e dytë te këtij libri, Prof. Dr. Azem Hajdarin si dhe lektorin Prof. Dr. Ragip Mulaku. Me një falënderim te veçantë i drejtohem kolonel Mark Markut dhe drejtorit te  Institutit te Studimeve albanistike “Gjon Gazulli” Prof. Nikollë Lokës si dhe kushëririt tim te nderuar Prof. Dr. Mark Palnikaj, për ndihmat e ofruara vëllazërore për organizimin e promovimit te këtij libri.

Në fund të këtij evenimenti u kalue me pyetje dhe përgjigjje reciproke në mes të autorit të librit dhe të pranishmëve, ku më pas u servua një koktej rasti.

Më të lexuarat
Sot mund të lexoni Shfletoni kopertinat