Në këtë libër janë të trajtuara tema që paraqesin veprimtarinë shkatërruese të aparatit politik, policor, ushtarak dhe agjenturor serb që në vazhdimësi vepron në drejtim të shqiptarëve që nga viti 1845, e deri në dite e sotme.
Një pjesë e shkrimeve dhe fakteve të publikuara i kushtohen aktiviteteve të Kishës Ortodokse Serbe dhe shërbimeve inteligjente ruse, të cilat vazhdimisht kanë shërbyer si vegël e aparatit represiv serb në drejtim të shqiptarëve. Në libër janë të paraqitura edhe dokumente ekskluzive nga dosjet e shërbimeve inteligjente serbe dhe fotografi të cilat faktojnë aktivitetet shkatërruese të shërbimeve inteligjente serbe në drejtim të shqiptarëve si dhe përfshirjen e shqiptarëve (spiun) në këtë veprimtari, e cila gjatë shekujve ka lënduar shumë familje dhe ka vështirësuar rrugën për çlirim dhe liri të shqiptarëve.
Libri ka 476 faqe dhe është botim i Fondacionit “Ibrahim Rugova” me recensent Gani Mehmetaj dhe Bajrush Morina.
