Sipas autorit, promovimi i tre librave të fundit , me të cilën mbyllet projekti autoriale i "Kosovës" në tetë libra - që paraqesin certifikatën historike të shtetit të Kosovës, por edhe të rolit të Dardanisë në kompleksitetin e antikitetit, jo rastësisht është zgjedhur në një ambient arsimor dhe kulturor, siç është Kolegji AAB në Prishtinë, ngaqë ndërlidh dijen me hulumtimet shkencore si qasje që i duhet vetëdijes kritike të gjeneratës së re, e cila duhet të marrë përsipër fatet e vendit në rrethanat e kthesave të rëndësishme, siç janë këto nëpër të cilat po kalohet.
Autori thekson se takimet me gjeneratën e re akademike do të vazhdohen edhe me studentët e Shkupit, të Tetovës dhe të Shqipërisë.