Kakao është një nga produktet e rekomanduara për të qetësuar lodhjen e fytyrës, plakjen dhe krijimin e rrudhave. Kakao është e pasur me antioksidantë që mundësojnë rritjen e kolagjenit. Për këtë arsye maska me kakao është një prej maskave të rekomanduara kundër plakjes dhe rrudhave.
Po ashtu, kakao përmirëson qarkullimin e gjakut dhe rrit lagështinë e fytyrës, dhe më e rëndësishmja, e mbron atë nga dielli.
Përbërësit:
2 lugë gjelle kakao pluhur
4 lugë gjelle kos, (ose qumësht)
1 lugë gjelle mjaltë, nëse ke lëkurë të thatë
lëng limoni
Përdorimi:
Përziej kakaon me kosin në një tas. Përzieje për disa minuta derisa të formohet një masë homogjene, në formën e një paste të butë. Shto më pas mjaltin. Shpërndaje përzierjen në fytyrë dhe në zonën e qafës.
Pasi të jetë tharë, lag një copë të pastër dhe me të pastroje fytyrën. Më pas shpëlaje me ujë të ngrohtë.
Pjesën e mbetur mund ta ruash në frigorifer për javën e ardhshme. Rekomandohet një herë në javë.
