Fotografia e kësaj modeleje të paralizuar u censurua fillimisht nga Facebook për shkak se u cilësua si e pahijshme, vulgare dhe pornografike.
Protagoniste e këtij imazhi është modelja Manuela Migliaccio, një studente e veterinarisë në Bolonjë, me origjinë nga Napoli, paraplegjike që nga viti 2009, pas një aksidenti në Greqi.
Më 4 qershor të këtij viti, Manuela ka thyer rekordin botëror të karrocës, përgjatë shëtitores së Riminit, duke përshkruar 15 km në 7 orë.
Por cila është historia e fotos së saj të censuruar nga Facebook?
Fotoja e Manuelës në karrocë e veshur me një fustan me dekolte të hapur që i tregonte paksa gjintë, u hoq nga profili i Fabrizio Bartoçioni, presidenti i Fondacionit “Vertical”, një organizatë jo-fitimprurëse që mbledh fonde për kërkimet kundër paralizës.
Por pas kësaj, në Facebook ka shpërthyer indinjata e përdoruesve, çka e ka detyruar Facebook të pranojë gabimin dhe ta ripostojë foton.
Fotoja në fjalë është realizuar më 3 tetor gjatë një parade me rastin e Javës së Modës në Milano.