Bregdeti shqiptar është pushtuar në këto muaj vere nga pushues të shumtë, vendas dhe të huaj.
Por në plazhin e Shëngjinit janë shfaqur kandila deti, që janë jo pak të rrezikshme për pushuesit.
Këtë fakt e konstaton edhe biologu Eltjon Halimi, profesor në Universitetin e Tiranës.
Ai e konsideron të pazakontë shtimin e kandilave të detit në bregdet. Sipas tij, shkak për shtimin e kësaj specieje bëhen disa faktorë të ndryshëm.
”Kujdes nga Kandili i detit! Shtimi i ndotjes nga materialet e pafiltruara në ujërat detarë ka shtuar këtë sezon në bregdetin shqiptar kandilët e detit!”, shkruan ai në një status në facebook.
Sipas tij, “qelizat e tyre në kontakt me lëkurën humane lëshojnë lëngun që përmban proteina të rrezikshme: paralizuese, neurotoksike dhe djegëse #Rhizostomapulmo”.