Një unazë diamanti në vlerë prej 750,000 funte, që ishte “zhdukur” nga Muzeu Britanik për gjashtë vjet, tani është regjistruar si e humbur.
Unaza Cartier, që ishte dhuruar në muze nga një person anonim, ishte raportuar e humbur në polici në vitin 2011.
Humbja e saj ishte bërë publike kur muzeu kishte bërë llogaritë vjetore, mirëpo një gjësend regjistrohet si i humbur vetëm pasi të kalojnë pesë vite që nga koha kur është kuptuar se ka humbur.
Që nga ky rast muzeu ka përmirësuar masat e sigurisë.