"Nëse nuk dëshironi që gjinjtë tuaj të prekin gjunjtë deri në moshën 30 vjeçare, mbani veshur gjithnjë reçipeta, madje edhe kur flini” kështu është shprehur aktorja e Hollywood-it Halle Berry për revistën Instyle, por mesa duket aktorja nuk është aq mirë e informuar, ndaj ekspertët e revistës së specializuar HEALTH kanë ndarë me të gjithë ne mitet dhe të vërtetat rreth rënies së gjoksit.
Me kalimin e viteve gjinjtë humbasin elasticitetin dhe bien
E vërtetë: Struktura e gjoksit ndryshon me kalimin e viteve dhe kjo gjithçka falë ligamenteve dhe muskujve në zonën e dekoltesë. Ashtu si të gjitha indet në trupin tuaj dhe ato të gjoksit përbëhen nga kolagjeni dhe elastina, prodhimi i të cilave reduktohet me moshën.
Veshja e reçipetave mund të parandalojë rënien e gjoksit
MIT
Asgjë nuk mund ta ndalojë gjoksin të humbasë elasticitetin ! Është një proces natyral që nuk mund të parandalohet !
Ushtrimet e duhura mund të mbajnë gjoksin lart
MIT
Gjinjtë përbëhen nga yndyrë dhe jo muskuj kështu që ushtrimet nuk ndikojnë aspak në formën e gjoksit, por vetëm në atë të muskujve të dekoltesë.
Ushqyerja me gji mund të shkaktojë rënie të gjoksit
MIT
Një studim i vitit 2008 i publikuar në Aesthetic Surgery Journal arriti në përfundimin se ushqyerja me gji nuk shkakton rënien e gjoksit, por është vetë shtatzënia, fitimi i peshës gjatë kësaj periudhe që shkakton shformësim të ligamenteve dhe indeve të gjoskit.