Dizajnerja italiane dhe kreu i firmës së modës Versace, Donatella Versace, ka zbuluar për revistën Vogue se shumica e industrisë së modës dhe njerëzve në përgjithësi, e shqiptojnë gabimisht emrin e kësaj firme.
Ajo e bëri të ditur këtë gjatë intervistës prej 73 pyetjesh, kur u pyet se cilën fjalë italiane do të dëshironte ajo që anglisht-folësit të mos e prishin.
Kështu, Donatella kërkoi që të mos e shqiptojnë “Versaçi” siç zakonisht e bëjnë, por “Versaçe” ashtu siç ajo pohon se është shqiptimi i duhur.
