Mësoni sekretet për të qënë rehat me taka!

Life style

Mësoni sekretet për të qënë rehat me taka!

Më: 21 qershor 2018 Në ora: 23:35
Foto ilustrim

Jolene Sher, një fizioterapiste britanike, thotë se takat e larta duhen përdorur nga femrat.

Ajo madje tregon se ka disa tipe takash të larta që janë më të mira për këmbët sesa këpucët e rehatshme të sheshta.

“Të veshësh këpucë me takë mund t’i bëjë mirë pjesës së pasme të këmbës, pasi i ofron mbështetje natyrale”, shkruan fizioterapistja për “Healthista”.

Në këtë artikull do të gjeni disa të mira të tjera të takave të larta në krahasim me këpucët e sheshta dhe disa këshilla për përdorimin e tyre.

Sa më të gjera, aq më mirë
Për përdorim të përditshëm, gjeni këpucë me takë të gjerë dhe pjesë të përparme të gjerë, në mënyrë që gishtat të mos ngjishen dhe pesha të shpërndahet në mënyrë të barabartë.

Gjatësia e duhur
Gjatësia ideale e takës duhet të jetë 5 cm.

Mbani rezervë një palë të sheshta
Nëse jeni në një event të rëndësishëm dhe keni veshur taka shumë të larta, mbani me vete një palë këpucë të sheshta në mënyrë që të qetësoni këmbët herë pas here.

Stërvisni këmbët
Praktikohuni me takat duke i veshur 15-30 minuta para se të shkoni në një event ku do ju duhet t’i mbani për orë të tëra.

commentFirst article
Sot mund të lexoni Shfletoni kopertinat