Të gjithë e dimë se ushqimet kanë afate të skadimit – fundja fundit kush do të hante një ushqim të mykur – por, ka diçka të cilën mund të mos e keni ditur: tamponët gjithashtu kanë afat të skadimit.
Affi Parvizi-Wayne, themeluese e kompanisë organike të tamponëve ‘Freda’, ka shpjeguar se jetëgjatësia e tamponëve thuhet të jetë 5 vite, ndërsa gratë dhe vajzat nuk bën t’i përdorin tamponët pas kësaj periudhe kohore, edhe nëse duken si të rinj.
“Ne sugjerojmë që femrat të mos përdorin tamponë të cilëve u ka skaduar afati edhe nëse duken si të rinj, sepse myku mund të jetë i fshehur brenda tyre dhe mund të shkaktojë infeksione të ndryshme”, ka treguar themeluesja.
Myku në tamponë vërehet vetëm nëse paketimi është prishur dhe bakteret janë futur brenda në paketim, e kjo nuk ka të bëjë asgjë me afatin e skadimit.
Por nëse kjo ka ndodhur, Affi shpjegon se ju do ta vëreni se tamponët kanë aromë të çuditshme dhe ngjyrë tjetër.
Lajmi i mirë është se pesë vite janë periudhë e gjatë dhe rreziku për të përdorur tamponë pa afat është i vogël.
