Sekretet e bukurisë franceze të cilat duhet t’i aplikoni nga ky moment

Life style

Sekretet e bukurisë franceze të cilat duhet t’i aplikoni nga ky moment

Më: 9 gusht 2018 Në ora: 11:46
Ilustrim

Vajzat franceze gjithmonë kanë ditur të kujdesen për veten! Ato njihen për pamjen e tyre të bukur dhe stilin e veçantë.

Le ta pranojmë – të gjithë duam një lëkurë pa të meta, flokë të mrekullueshme dhe makijazh të përsosur.

Duke marrë parasysh këto, brendi francez i bukurisë ‘Bourjois’ shpjegon se çfarë bëjnë vajzat franceze për t’u dukur aq mirë.

Sa më thjesht, aq më bukur

Francezet e kanë perfeksionuar artin e të vënit pak (thuajse fare) makijazh. Prandaj, në vend se të përkushtoheni të lyheni e tëra, ndiqni këshillën e vajzave franceze dhe përqendrohuni në ndonjë karakteristikë të vetme. Kështu, nëse jeni duke planifikuar t’i rregulloni sytë, atëherë buzët lini me ngjyrë natyrale. Ose nëse jeni duke i lyer buzët me ngjyrë të theksuar, atëherë makijazhin e syve bëjeni thjesht me një shtresë maskarë.

Parfumi është gjithçka!

Në Francë nuk konsideroheni tërësisht e veshur derisa ta keni zhytur trupin në parfum. Është e rëndësishme ta zgjedhni një parfum të cilin do ta vëni gjithmonë dhe të jetë ai parfumi që ju identifikon juve si person.

Lërini flokët natyrale

Njësoj sikur që e preferojnë makijazhin sa më minimal, vajzat franceze i preferojnë edhe flokët natyrale.

Bëni masazh fytyrës çdo ditë

Një këshillë sekrete antiplakje e vajzave franceze është t’i bëni masazh fytyrës çdo ditë sepse e rritni qarkullimin e gjakut dhe i parandaloni rrudhat e parakohshme. 

Sot mund të lexoni Shfletoni kopertinat