Adoleshentët që rrinë zgjuar tërë natën duke luajtur me video-lojëra kanë mundësi të lartë për të vuajtur nga diabeti.
Sipas shkencëtarëve amerikanë, mungesa e gjumit rrit në mënyrë të konsiderueshme rrezikun që të rinjtë të preken nga sëmundja e sheqerit.
“Nëse adoleshentët flenë më pak se 6 orë gjumë në ditë mund të zhvillojnë diabet dhe një orë më shumë gjumë mund t’i shpëtojë sepse ulet rezistenca ndaj insulinës që është shkaktarja kryesore e diabetit”, shprehet udhëheqësi i studimit, Karen Matthews.
Studimi ka vëzhguar 235 studentë për të dalë në këtë përfundim.
