Promovohet projekti për sigurinë në Shkolla - Bota Sot
Promovohet projekti për sigurinë në Shkolla

Maqedonia

E shtunë, 27 gusht 2016

Promovohet projekti për sigurinë në Shkolla

Më: 2 tetor 2012 Në ora: 09:26

Ministrja e Brendshme Gordana Jankullovska prezantoi sot vazhdimin e projektit “Siguri në shkolla” i cili po realizohet nga Zyra për Parandalim pranë Sektorit të Punëve të Brendshme Shkup dhe OSBE-ja. Gjatë realizimit të projektit, nxënësit përmes grupeve mësojnë si të mos shkaktohet dhuna dhe si të bashkëpunojnë me policinë dhe t’i besojnë uniformave. Ministrja Jankullovska tha se kriminaliteti në mesin e të miturve vazhdon të mbetet i lartë.

“Kur flasim për më të rinjtë, patjetër duhet të ballafaqohemi me faktin jo të dëshiruar se vitin e kaluar kishim dy herë më shumë prishje të rendit dhe qetësisë me dhunë nga ana e nxënësve. U regjistruan 103 raste krahasuar me 59 të një viti paraprak kur u paraqit sjellje e dhunshme nga ana e nxënësve. Gjatë incidenteve nxënësit në të shumtën e rasteve kanë përdorur dhunë fizike, në 85 raste, pastaj në 9 raste janë përdorur sende të forta, në 6 të tjera është përdorur thikë, në dy raste me pushkë është gjuajtur ndaj nxënësve dhe në një rast me pushkë është goditur një nxënës në pjesën e kokës”, tha Gordana Jankullovska, ministre e Punëve të Brendshme.

“Shkollat kanë rol të rëndësishëm në mbrojtjen e fëmijëve nga dhuna, ndërsa punonjësit arsimorë kanë për obligim të sigurojnë mjedis të sigurt që do të respektojë dhe do të mbështes besimin dhe zhvillimin e fëmijëve”, tha Pançe Kralev, ministër i Arsimit.

Shefi i misionit të OSBE-së në Maqedoni Ralf Bret tha se realizimi i projektit ka mundësuar që nxënësit të njihen më shumë me punën e policisë, të vizitojnë stacionet policore, të njihen me pasojat nga dhuna si dhe të mësojnë më shumë për të drejtat themelore të njeriut.

“Atmosfera e lirë ju mundësoi nxënësve të kuptojnë sjelljen e tyre personale lidhur me tolerancën dhe respektin ndaj ndryshimeve. Në fazën finale të projektit, një numër i madh i nxënësve kanë theksuar rritjen e besimit ndaj policisë si dhe shkatërrimin e stereotipave lidhur me policinë. Është me rëndësi që projekti po mundësojë rritjen e ndërgjegjes së nxënësve lidhur me paragjykimet për grupe të caktuara ose individë”, tha Ralf Bret, shef i misionit të OSBE-së.

Vitin e kaluar në projektin “Siguri në shkolla” u përfshinë 5 shkolla të mesme duke inkuadruar nxënës të vitit të parë dhe të dytë. Ndërkohë, në projektin e sivjetmë janë përfshirë edhe 9 shkolla fillore, me nxënës nga klasat e 7-a dhe 8-a.

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test