Zëvendëskryeministrja Arifi për vizitë pune në Kroaci - Bota Sot
Zëvendëskryeministrja Arifi për vizitë pune në Kroaci

Maqedonia

E hënë, 29 gusht 2016

Zëvendëskryeministrja Arifi për vizitë pune në Kroaci

Më: 17 tetor 2012 Në ora: 18:32

Zëvendës kryeministrja e Qeverisë së Republikës së Maqedonisë për çështje evropiane Teuta Arifi, sot qëndroi për vizitë pune në Republikën e Kroacisë, ku realizoi takim me nënkryetarin e Qeverisë së Republikës së Kroacisë për politikë të brendshme, të jashtme dhe Evropiane, Neven Mimica me të cilin biseduan për ngjarjet e fundit në agjendën e eurointegrimeve të dy vendeve.

Me këtë rast u theksua marrja e Raportit të fundit nga Komisioni Evropian për progresin e Kroacisë dhe anëtarësimi i këtij vendi në BE në vitin 2013, ndërsa lidhur me Republikën e Maqedonisë u theksua Raporti mjaft pozitiv, i cili tregon përkushtimin serioz të të gjitha institucioneve në zbatimin e reformave.

Siç njofton thuhet në kumtesën e SÇE-së, Arifi dhe Mimica u përqëndruan dhe biseduan për përvojën e Republikës së Kroacisë në procesin e eurointegrimeve dhe në mënyrën se si ky vend është ballafaquar me sfidat në drejtim të zbatimit të reformave.

Arifi gjatë qëndrimit në Kroaci u takua edhe me ministrin e Zhvillimit Rajonal dhe Fonde të BE-së, Branko Gërçiq me të cilin biseduan për rëndësinë e fondeve të cilat i ndan BE për zhvillimin e vendeve si dhe ndanë përvojat e tyre lidhur me shfrytëzimin e këtyre fondeve.

Zëvendëskryeministrja Arifi gjithashtu realizoi takim me ministrin për punë të brendshme Ranko Ostojiq dhe me zëvendës ministrin për punë të jashtme dhe çështje evropiane Joshka Klisoviq, ku u nënvizua bashkëpunimi i mirë bilateral i dy vendeve në më shumë fusha, dhe mundësitë e avancimit të tyre përmes këmbimit të përvojave në procesin e eurointegrimeve.

Gjithashtu u theksua edhe nevoja për thellim të mëtutjeshëm të marrëdhënieve të mira bilaterale mes Maqedonisë dhe Kroacisë, në fushën e bashkëpunimit dhe zhvillimit ekonomik dhe njëherit nga ana e bashkëbiseduesve u rikonfirmua mbështetja që merr vendi ynë nga Republika e Kroacisë në drejtim të realizimit të qëllimit të përcaktuar qartë për anëtarësimin i vendit në strukturat euroatlantike.

Zëvendëskryeministrja Arifi, në kuadër të vizitës në Kroaci, u takua edhe me kryetarin e Këshillit të Pakicës Kombëtare Shqiptare për qytetin e Zagrebit, Gëzim Rexhepi dhe kryetarët e shoqatave shqiptare që veprojnë në Republikën e Kroacisë.

Gjatë takimit u bisedua mbi perspektivën evropiane të shteteve ballkanike dhe aktivitetet e ndërmarra në nder të 100 vjetorit të Pavarësisë së Shqipërisë.

Zëvendësministrja Arifi informoi nikoqirët për Raportin pozitiv të KE-së dhe mbarëvajtjen e realizimit të obligimeve të cilat dalin nga procesi i integrimit evropian si prioritet strategjik kyç i Republikës së Maqedonisë dhe u përgjigj pyetjeve të anëtarëve të shoqatave prezente në takim.

Rexhepi informoi zëvendëskryeministren lidhur me mbajtjen e simpoziumit shkencor "100 Vjet Shtet Shqiptar" si dhe angazhimin e gjitha shoqatave shqiptare që Kroaci për të shënuar 100 vjetorin e pavarësisë së shtetit shqiptar.

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test