Vetëm qeveria kalimtare mund të krijojë kushte minimale për organizimin dhe mbajtjen e zgjedhjeve të drejta dhe demokratike në Maqedoni, tha sot lideri i LSDM Zoran Zaev në një takim me Sekretarin e Përgjithshëm të Partisë Laburiste të Britanisë së Madhe Ian MekNikol.
Në takim ishte konfirmuar mbështetja e partisë Laburiste për LSDM-në.
Delegacioni i LSDM-së, i kryesuar nga lideri Zoran Zaev kanë marrë pjesë në Kongresin e Partisë së Socialistëve Evropiane (PSE), e cila është duke u mbajtur në Budapest, Hungari.
Zaev u takua me liderin e Partisë Demokratike të Serbisë, Bojan Pajtiç. Aktualisht është duke u mbajtur edhe një takim me një delegacion të Partisë Socialiste Franceze.
