Edhe pse tanimë 28 ditë është në paraburgim shtëpiak, kryetari i Komunës së Manastirit, Vlladimir Taleski, udhëheqë me komunën prej në shtëpi.
Këshilltarët opozitar janë të revoltuar që shërbimi i korrierëve i dorëzon dokumente Taleskit për nënshkrim, me çka ai praktikisht vazhdon ta kryej funksionin e kryetarit, edhe pas dyshimit për krim financiar.
Ata pyesin se pse Taleskit nuk i është marrë autorizimi dhe si është e mundur që ai të ketë qasje te dokumentet e komunës, kur masa për paraburgim shtëpiak i është shqiptuar për shkak të mundësisë për ikje, ndikimit ndaj dëshmitarëve dhe shkatërrimit dhe falsifikimit të gjurmëve nga vepra penale.
Paraburgimi i Taleskit ka lënë pasoja ndaj funksionimit të Komunës së Manastirit, ndërkaq një pjesë e këshilltarëve ankohen se nuk kanë marrë kompensimet të cilat paguhet për angazhimin e Këshillit.
Në seancën e fundit të Komunës së Manastirit, këshilltarët opozitar kërkojnë dorëheqje nga Taleski dhe emërim të zëvendëskryetarit deri në zgjedhjet lokale.
