Afrohen zgjedhjet dhe kanë filluar të bëhen më të zëshme premtimet para zgjedhore. Këtë herë, kryetari i OBRM-PDUKM-së dhe ish-kryeministri Nikolla Gruevski ka premtuar punësimin e 350 punonjësve shëndetësor, publikimi i shpalljeve që për të njejtët do të fillojë javën e ardhshme.
“Nga ajo që jam informuar nga ministri i Shëndetësisë procedura për 350 punësimet e reja në shëndetësi tashmë ka filluar dhe pritet javën e ardhshme të publikohen shpalljet e para. Kryesisht do të punësohen mjekë dhe infermiere, por do të ketë edhe profile të tjera si laborantë, fizioterapeutë. Kjo do të thotë përforcim i fuqishëm në shëndetësinë e Maqedonisë, mbështetje më e madhe e pacientëve dhe shërbim më i mirë, ndërsa për shumë punonjës të shëndetit do të thotë mundësi për punësim dhe zgjidhje të problemit të tyre me papunësinë” premtoi Gruevski.
