Partia më e madhe opozitare maqedonase, Lidhja Socialdemokrate e Maqedonisë, premton heqjen e taksës radiodifuzive dhe financim të Radio Televizionit të Maqedonisë drejtpërdrejt nga Buxheti shtetëror.
“Pas 11 dhjetorit askush më në Maqedoni nuk do të paguajë taksë radiodifuzive. U japim fund presioneve, llogarive të bllokuara dhe stresit nga përmbaruesit për fatura të papaguara nga taksa radiodifuzive”, thuhet në kumtesën e sotme të LSDM-së.
Pushteti, thekson partia e Zoran Zaevit, përmes Drejtorisë së të Ardhurave Publike, i toleron borxhet milionëshe të MTV-së për tatime të papaguara, ndërsa u kanoset me pagesë të detyrueshme të taksës radiodifuzive 85.000 qytetarëve.
