Paralajmërimi se në seancën e nesërme në Kuvend do të shpërbëhet i njëjti është presion i ri, pa debat të votohet buxheti. Kjo qartë tregon se VMRO DPMNE dhe BDI kërkojnë arsyetim për t’i anuluar zgjedhjet, theksojnë nga Lidhja Demokratike.
“Partitë e pushtetit VMRO-DPMEN dhe BDI, në vend që të shpërbëjnë Kuvendin më 12 tetor, për të krijuar kushte optimale për zgjedhje më 11 dhjetor, ato duke përjashtuar marrëveshjen e arritur më 31 gusht, shpërbërjen e Kuvendit e kushtëzojnë me miratimin paraprak të buxhetit”, theksojnë nga kjo parti.
Kjo parti kërkon që në seancën e nesërme parlamentare, fillimisht të votohen ligjet për PSP-në, pastaj të votohen ndryshimet për Njësinë zgjedhore 6; buxheti të votohet pas një diskutimi, që rredhimisht të vijë edhe te shpërndarja e Kuvendit.
