Jolevski: Anëtarësimi në NATO dhe BE mbetet prioriteti ynë strategjik

Maqedonia

Jolevski: Anëtarësimi në NATO dhe BE mbetet prioriteti ynë strategjik

Më: 19 tetor 2016 Në ora: 16:28
Zoran Jolevski

Anëtarësimi në NATO dhe në Bashkimin Evropian mbetet prioriteti ynë strategjik. Duke i pasur parasysh ndryshimet gjeopolitike në korniza globale, proceset integruese në strukturat euroatlantike ndikojnë pozitivisht në paqen, bashkëpunimin, sigurinë dhe zhvillimin ekonomik dhe demokratik të shteteve, theksoi ministri i Mbrojtjes i Republikës së Maqedonisë Zoran Jolevski sot në fjalimin në “Future Forces Forum 2016” që mbahet në Pragë, Çeki.

“Zhvillimi dinamik i skenës ndërkombëtare të sigurisë kërkon ndjekje të vazhdueshme dhe përshtatje ndaj kërcënimeve të sigurisë dhe rreziqeve. Republika e Maqedonisëi takon rajonit euroatlantik dhe siguria e saj është e pandarë nga siguria e rajonit dhe më gjerë”, theksoi ministri Jolevski.

Ai ka shtuar se bota përballet me shumë sfida, rreziqe dhe kërcënime, midis të cilëve i përmendi terrorizmin, krimin e organizuar transnacional, luftën hubride, migrimin e paligjshëm etj. Në kontekst të migrimit, ministri theksoi se për shkak të pozitës së saj gjeografike, Maqedonia vitin e kaluar u gjet në një situatë të ndërlikuar me fluks të përditshëm të migrantëve.

Në takim me gjeneralin Beçvar, ministri Jolevski shprehu kënaqësi nga niveli i bashkëpunimit midis dy armatave. “Ne bashkëpunojmë për shumë çështje nga sfera e mbrojtjes, veçanërisht përballjen me krizën migruese, këmbimin e informacioneve për gjendjen aktuale të sigurisë, si dhe në sferën e edukimit ushtarak”, ka thënë ministri dhe shtoi se ky bashkëpunim do të vazhdojë dhe do të intensifikohet në të ardhmne, kumtoi MM-ja.

Sot mund të lexoni Shfletoni kopertinat