Nënkryetari i LSDM-së, Damjan Mançevski, sot në konferencën për shtyp, promovoi masat e partisë së tij për zvogëlimin e ndotjes së ajrit në Maqedoni.
“Kjo është një temë shumë serioze, e cila ndikon drejtpërdrejtë në shëndetin tonë dhe fëmijëve tonë. Në vend të masave afatshkurte, duhet qasje më serioze në zgjedhjen e këtij problemi”, deklaroi Mançevski.
Sipas tij, LSDM-ja parashikon kthimin e gjelbërimit në qytete, përmes rritjes së përqindjes në ligjin për planifikim hapësinor dhe urbanistik, gjithashtu gazifikimin e Shkupit si projekt strategjik, i cili do të ulte ndotjen, pasi një pjesë e madhe e amvisërive do të ngrohen me gaz.
