Lideri i LSDM-së Zoran Zaev, sot prezantoi dy masa të caktuara për të rinjtë, të cilët masa kanë për qëllim t’ua lehtësojnë studimet dhe punësimin e tyre.
Në një takim me të rinjtë në Bibliotekën e qytetit “Vëllezërit Milladinov” në Shkup, lideri i LSDM-së tha se ka paraqitur masa për qytetin studentor në të cilën do të ketë konvikte, salla-palestër, biblioteka, restorante dhe internet falas, dhe planifikohet që studentët të kenë kartela studentore për shfrytëzimin e shërbimeve publike.
Në lidhje me punësimin e të rinjve, Zaev theksoi se janë paraparë ndihma të drejtpërdrejtë nga shteti për trajnim ose përgatitje praktike të të rinjve për të hyrë në punë në gjashtë muajt e parë pas përfundimit të procesit arsimor, kurse poashtu janë paraparë edhe bursa për të rinjtë që duan të vazhdojnë studime të magjistraturës ose të doktoraturës, shtoi Zaev ndër të tjera.
