Dibra e Madhe ishte ndër qytetet shqiptare të Maqedonisë, që ka befasuar jo pak me rezultatin në zgjedhjet parlamentare të zhvilluara pak ditë më parë.
Rezultati ka qenë i paparashikueshëm, teksa parti e parë kë dalë LSDM e Zoran Zaev.
Kryetari i Dibrës së Madhe Ruzhdi Lata ka thënë për “News 24” se partia socialdemokrate maqedonase ka blerë votat.
“Përçarja në mesin e partive politike shqiptare ka bërë që të kemi më pak deputetë në parlament. Këtu në Dibër, LSDMja i ka blerë votat”, ka thënë ai.
Lata ka shtuar se në rezultatin e habitshëm, mund të kenë ndikuar, sipas tij, edhe lobet greke e serbe.