Kryetari i komisionit të LSDM-së për ekonomi, Dragan Tevdovski, sot deklaroi se në Maqedoni ka hapësirë për rritje të rrogave, nëse zbatohen disa rregulla, siç janë sistemi tatimor dhe kontrolli mbi njerëzit në pushtet.
“Rritja e rrogave është një ndër elementet kyç të “Planit për jetë”, ka hapësirë që rrogat të rriten në Maqedoni, ndëkaq kjo do të arrihet me vendosje të sistemit të drejtë tatimor dhe social, mekanizma kontrollues për njerëzit në pushtet, transparencë të plotë në shpenzimet publike. Shumica e qytetarëve në vend nuk kanë të ardhura nga kapitali, por jetojnë vetëm nga puna e vet, për këtë arsye në mënyrë që të ngritet standardi i tyre jetësor, nevojitet që Maqedonia të dalë nga niveli i ulët i rrogave”, deklaroi Tevdovski.
