Në dhjetë ditët e fundit doli në pah paaftësia e autoriteteve lokale dhe personave përgjegjës në Ndërmarrjet publike, kur është fjala për zgjidhjen e problemeve reale të qytetarëve. Qeveria lokale e udhëhequr nga OBRM-PDUKM përpiqen për të manipuluar me popullin e tyre, duke pretenduar se ata kanë marrë të gjitha masat e nevojshme për pastrimin e rrugëve dhe trotuareve, ku edhe pas dhjetë ditëve rrugët nuk janë të pastruara nga dëbora, tha sot para medias Jane Millanov, këshilltar i LSDM-së dhe koalicionit në Këshillin e Komunës së Shtipit.
‘Kjo sikurse të mos ishte e mjaftueshme, kështu që qeveria lokale dhe drejtori i NP Isar, Angell Bojaxhiev vendosi të futë kufizime të ujit në temperaturat e ulëta si -20 gradë. 70% e popullsisë në Shtip tashmë janë lënë pa ujë të pijshëm, pavarësisht acarimin e kushteve tashmë të padurueshme në të cilën ato janë të vendosura.
Kjo qasje joserioze e autoriteteve lokale ndaj problemeve reale me të cilat ballafaqohen qytetarët hap dyshim se kjo është mënyra e tyre e hakmarrjes për qytetarët nga Shtipi, për shkak të zgjedhjeve të parakohshme parlamentare që u zhvilluan më 11 dhjetor, qytetarët thanë pa mëdyshje se kërkojnë ndryshime. Qytetarët zgjodhën një plan për jetë’, tha Millanov.
