Fondi për Sigurim shëndetësor i Maqedonisë (FSSHM) ka filluar projektin për edukimin e pensionistëve mbi të drejtat e tyre të sigurimit shëndetësor.
Projekti ”Fondi më afër pensionistëve” parasheh mbajtjen e 30 punëtorive edukative nëpër tërë Maqedoninë ku profesionistët e sferës do të mund t’i edukojnë pensionistët në 30 qytete, për të drejtat e tyre të sigurimit shëndetësor.
Kjo u bë e ditur nga drejtori i FSSHM-së, Sasho Stefanoski, i cili u takua me Lidhjen e shoqatave të pensionistëve të Maqedonisë. Mbi 300 mijë pensionistë janë shfrytëzues të sigurimit shëndetësor. Planifikohet që në këto punëtori të marrin pjesë rreth 5000 pensionistë.
