Javën e ardhshme pritet të shtohen presioni ndërkombëtarë për zgjidhjen e krizës në Maqedoni. Zbritja e komisionarit evropian për zgjerim Johannes Hahn ditën e martë në Shkup nga analistët shihet si përpjekje shtesë e Brukselit për të ndihmuar në funksionalizimin e Kuvendit dhe formimin e qeverisë së re.
Malinka Ristevska për Alsat-M vlerëson se Bashkimi Evropian është i vendosur që të mos lejojë eskalimin e situatës dhe kjo gjë shihet përmes porosive të qarta për zgjidhjen e krizës sa më parë me qëllim që të shmanget detabilizimi i vendit, konfliktet ndëretnike.
Ndërsa profesori Bekim Kadriu vlerëson se vizita e komisionarit evropian Han në Shkup nuk është e rastësishme por e koordinuar me shumë aktivitete që pritet të ndodhin gjatë kësaj dite. Kadriu, shton se kjo vizitë ka për qëllim debllokimin e krizës së krijuar tashmë disa muaj me radhë.
Të martën, bashkë me komisionarin evropian Johannes Hahn në Shkup do të zbresin edhe eurodeputetët Fleckenstein, Kukan dhe Vaigl.
