Në Odën e stomatologëve të Maqedonisë do të shënohet sot 20 marsi, dita botërore e shëndetit oral, me ç’rast do të ketë një varg aktivitetesh si pjesë e fushatës për ngritjen e vetëdijes për higjienën orale.
Siç bën të ditur kjo Odë, ekipe stomatologësh do t’i informojnë qytetarët për shëndetin oral në tre pika të ndryshme në kryeqytet. Sipas AIM-së, përveç këshillave, doktorët do të shpërndajnë edhe materiale promovuese të firmave që prodhojnë mjete dentale për higjienë.