Sot do të jetë një ditë e vështirë në Kuvend, pas thirrjes së seancës ku pritet të zgjidhet kreu i Kuvendit tanimë për këtë post i propozuar Talat Xhaferi nga BDI.
Njëri nga organizatorët e protestave të iniciativës “Për Maqedoni të përbashkët”, Bogdan Ilievski, sot nga sheshi “Maqedonia” theksoi se nuk mund të zgjidhet për kryetar të Kuvendit një person që nuk distancohet nga Deklarata e Tiranës dhe nuk e dënon atë.
Ai nuk shpjegoi se në cilën mënyrë do të ndalojnë të zgjidhet kryetari i Kuvendit, por theksoi se deri tani protestat e tyre kanë dhënë rezultat dhe sipas tij, po ndjehet presioni i madh i popullit.
