Në emisionin Zig Zag në TV Art ishte i ftuar ministri i Punëve të Jashtme, Nikolla Poposki, i cili deklaroi se me fillimin e dialogut në Kuvend, edhe punët kanë filluar të ecin mbarë.
“Si hap i parë duhet të jetë vendosja e rregullave fikse. Duhet marrëveshje për çështjet të cilat deri tani janë aplikuar pa marrëveshje. Duhet të fiksohet se kush bën Qeveri, kush e merr kryetarin e Kuvendit, etj. Praktikë në gjithë vendet evropiane është që kryetari i Kuvendit t’u takojë partisë që fiton zgjedhjet”, deklaroi Nikolla Popovski.
Edhe në këtë debat, Poposki mbrojti qëndrimin se zgjedhjet e reja parlamentare, bashkë me ato lokale, janë zgjidhja më e mirë e krizës politike në vend.
“Afati më i shpejtë për zgjedhjet lokale mendoj se është në qershor ose korrik. Logjike është që njëkohësisht të mbahen edhe zgjedhjet parlamentare si e vetmja mënyrë që të tejkalohet kjo situatë”, tha Popovski.
Poposki nuk është i mendimit se një Përzhino e re mund ta zgjidhë krizën politike në vend.
“Mendoj se jo. Përzhio nuk na i zgjidh problemet. Mendoj se duhet të merremi vesh mes nesh për praktikat e ardhshme politike. Edhe pas disa marrëveshjeve politike si Përzhina dhe zgjedhjet e reja Maqedonia nuk ka dalë nga kriza”, u shpreh Popovski.
