Mbi 800 aplikime për subvencione për blerjen e biçikletave janë dorëzuar deri sot për banorët e Bashkisë së Shkupit nga publikimi i thirrjes.
Nga Shkupi ftojnë të gjithë ata që dëshirojnë të blejnë biçikleta të reja, të paraqesin një kërkesë për rimbursim të pjesës së kostos së miratuar në përputhje me rregullat e përcaktuara dhe mjeteve financiare të ndara për zbatimin e këtij aktiviteti urban.
Mjetet që do të mbulojë qyteti është në vlerë prej 50 përqind të çmimit të biçikletës, por jo më shumë se 4 mijë denarë shuma neto per person. Thirrja publike do të zbatohet me parimin “vjen i pari, shërbehet i pari”.
Të drejtë për të marrë pjesë në këtë shpallje publike janë banorët e Bashkisë së Shkupit.