Sipas statistikave të organizatave për përmirësimin e të drejtave të grave dhe viktimave të dhunës familjare, në Maqedoni paraqiten rreth 50 raste të dhunës në muaj.
Gratë janë në numër më të madh në këto raste të dhunës, ndërkaq 70% e tyre përjetojnë maltretime psiqike.
Një 25 vjeçare ka raportuar në polici se është kidnapuar nga ish-i dashuri i saj, ndërsa një tjetër shkupaje ka raportuar se tashmë 1 vit me radhë, ka qenë cak i maltretimit seksual nga një person nga Shkupi, i cili i ka premtuar punësim në një klinikë private.
