“E rastësishme ose jo, firma “Atrium” nga Vevçani, nën pronësi të vëllaut të deputetit të OBRM-PDUKM-së, Kërsto Mukoski, ka nënshkruar marrëveshje për lyerjen e hapësirave shtesë në stadiumin “Telekom Arena” për 10 euro për metër katror, para mbajtjes së ndeshjes së Superkupës në Shkup”.
Kjo është një nga tezat që sot i ngriti sekretari i përgjithshëm i qeverisë, Dragi Rashkovski, në konferencën për shtyp para gazetarëve.
Ai tha se këto janë informacione që ai i ka marrë si sekretar i përgjithshëm i qeverisë dhe tha se janë jozyrtare, ndërsa ju bëri ftesë mediumeve që të hetojnë këtë.
Ai tha se ka shumë lëshime dhe mungesa në afatet e rekosntruimit të stadiumit të qytetit para mbajtjes së ndeshjes së Superkupës.
