LSDM-ja përmes një kumtese me shkrim ka reaguar ndaj konferencës së Aneta Dimovskës nga radhët e OBRM-PDUKM-së, e cila tha se me ribalancimin e buxhetit LSDM-ja dëshmoi se udhëheq qeveri anti-reformuese.
Nga LSDM thonë se ka përfunduar koha luksit dhe se gjitha paratë do të kthehen tek qytetarët.
“Qytetarër për çdo ditë janë dëshmitarë se si OBRM-PDUKM-ja dhe funksionarët e saj janë sjellur me paratë e qytetarëve. Nga dreka dhe darka prej qindra eurove, blerje të Mercedeseve, porvizioneve dhe vendeve, deri në oborre baroku. Funksionarë të OBRM-PDUKM-së dhe të afër të tyre, 11 vite kanë jetuar në luks në llogari të qytetarëve të varfër”, thuhet në reagimin e LSDM-së.
Nga kjo parti thonë se rebalanci i buxhetit i përmbush nevojat e gjithë qytetarëve.
“Me ribalancin e ri, qeveria e LSDM-së do t’ju ndihmojë firmave që t’i rrisin rrogat në 12 mijë denarë për rreth 70 mijë qytetarë prej muajit shtator”, thonë nga LSDM.
