Kryetari i patisë Lidhja Demokratike e Maqedonisë (LDM), Pavle Trajanov, ka reaguar ndaj njoftimeve mediale për rritjen enorme të çmimeve të hoteleve për akomodimin e tifozëve që do të jenë në Shkup për ndeshjen e Super Kupës Evropiane.
Paraprakisht, tifozët e Real Madrid dhe Manchester United janë ankuar për çmime të larta të akomodimit në Shkup, që shkojnë edhe deri më 1000 euro.
Mirëpo, Trajanov propozon që për tifozët e të dy ekipeve të hapen dyert e konvikteve studentore të Shkupit.
Sipas tij, akomodimi duhet të bëhet falas për tifozët, ose të ketë një pagesë prej 10 euro, sa për t’u mbuluar harxhimet reale.
