Çdo ditë e më shumë janë duke u shtuar zërat kundërt xeheroreve në Maqedoni. Qytetarët e Dojranit nesër do të shprehen nëse janë ‘Për’ ose ‘Kundër xeheroreve në Komunën e tyre.
Ata frikësohen se xeherorja Kazandol, por edhe potenciali i minierave te Bashiboz të Bellasicës janë kërcënim për turizmin dhe liqenin.
Referendumi është kërkesë e qytetarëve që po e kërkojnë që një kohë të gjatë.
Përndryshe, si parti më e zëshmja kundër ndërtimeve e xeheroreve pa vullnetin e qytetarëve, është shprehur Ripërtëritja Demokratike e Maqedonisë (RDM). Ajo dje ka kërkuar që të ndërpriten punimet në hapjen e një xeherore të re në Luginën e Borovës.
