Ministria e Bujqësisë, Pylltarisë dhe Ujërave kumtoi se me kërkesë të NP ‘Pyjet e Maqedonisë’, sot ka miratuar tërheqjen e ndalesës së plotë dhe kthimit të ndalesës së pjesshme për lëvizje në pyje. Por në rajonet ku është shpallur gjendje krize, gjegjësisht për Makedonski Beod dhe Çashka, mbetet në fuqi ndalesa e plotë për lëvizje në pyje.
Sa i përket ndalesës së pjesshme, ajo do të zgjasë deri në vlerësimin se është zvogëluar rreziku nga paraqitja e zjarreve në pyje. Kjo ndalesaë nuk vlen për të punësuarit në NP ‘Pyjet e Maqedonisë’ dhe subjektet që menaxhojnë me rajonet e mbrojtura, si dhe për turne të organizuara të turistëve.
Nga Ministria theksojnë se edhe krahas kthimit të ndalesës së pjesshme, kontrollet e përforcuara në terren nga ana e Policisë pyjore dhe Inspektoratit për pylltari dhe gjueti do të vazhdojnë me intenzitet të përforcuar dhe nuk do të lejohet që drunjtë e djegur të përfundojnë në qarkullim.
Sipas të dhënave të para nga NP ‘Pyjet e Maqedonisë’, këtë muaj janë regjistruar 56 zjarre dhe sipërfaqe e djegur prej 4.000 hektarë. Deri më tani ka përfunduar provedura e vlerësimit për 22 zjarre, nga të cilat dëmi është rreth 1 milion euro.
