Pesë shtetas të Maqedonisë janë lënduar në aksidentin e rëndë që ka ndodhur në afërsi të autostradës M5 në afërsi të Budapestit në Hungari.
Lajmi është konfirmuar edhe nga autoritetet hungareze.
Në aksident janë përfshirë dy makina, njëra e tipit “Mercedes” me targa bullgare, ku ishin shtetasit e Maqedonisë, ndërsa tjetra e tipit “Ford” me targa gjermane.
Makinës me shtetasit e Maqedonisë i ka shpërthyer goma, dhe kjo ka bërë që makina e tipit “Ford” ta përplasë nga pas, pasi që ka lëvizur me shpejtësi të madhe.