PSP publikoi raportin: Janeva ka dëgjuar 70% të “bombave”

Maqedonia

PSP publikoi raportin: Janeva ka dëgjuar 70% të “bombave”

Më: 15 shtator 2017 Në ora: 15:29
Prokuroria Publike Speciale (PSP)

Për gjashtë muajt e fundit ekipi i Katica Janevas ka ngritur gjithsej 18 aktakuza për 19 lëndë kundër 120 personave për 168 vepra penale, thuhet në raportin e fundit për punën e PSP-së.

Gjatë periudhës raportuese janë hapur gjithsej 7 lëndë kundër 25 personave fizik dhe janë marrë masa hetuese kundër 4 personave juridik. Janeva shkruan se është me rëndësi të veçantë mendimi i Gjykatës së Apelit në lidhje me pranimin e “bombave” si dëshmi.

Nga Gjykata e shkallës së parë nuk është ndarë asnjë nga masat e kërkuar për paraburgim, shkruan Janeva. Paditë penale janë më shumë për keqpërdorim të detyrës zyrtare (77) dhe aktivitete kriminale (26).

Në gjashtë muajt e fundit janë hapur 142 lëndë parahetimore. Prej tyre 49 lëndë janë formuar me iniciativë të PSP, ndërsa 93 lëndë janë formuar nga lajmërimet e qytetarëve tjerë.

PSP shpreson që në periudhën e ardhshme do të gjendet zgjidhje ligjore për mundësimin e saj të punojë në kushte të mira dhe pa pengesa.

“Duke pasur parasysh interesin e publikut, shpresoj që ndryshimet ligjore të cilat janë në vazhdë do të mundësojnë barabarësi ligjore për gjithë kryerësit e veprave penale”, shkruan Janeva në raport.

Sot mund të lexoni Shfletoni kopertinat