Ligji për amnisti me të cilin parashihet që të dënuarve t’u ulet dënimi për 30%, nuk do të vlejë për ish-pronarin e televizionit A1, Velija Ramkovski, por gjithashtu nuk do të vlejë edhe për disa tjerë të dënuar të cilët kanë kryer veprën penale “shoqata kriminale”.
Në propozim-ligjin për amnisti, i cili së pari duhet të futet në procedurë kuvendore, shkruan se amnistia nuk është e paraparë për personat të cilën janë dënuar për veprën penale “shoqata kriminale”. Ndërsa Ramkovski në rastin “Pajazhina”, ishte i dënuar për këtë vepër penale.
Ramkovski në mars të 2012 u dënua me 13 vite burg, ndërsa në vuajtjen e dënimit i numërohet edhe koha që ka qëndruar në paraburgim (dhjetor, 2010). Ramkovski tashmë ka vuajtur gjysmën e dënimit, ndërsa i kanë mbetur edhe gjashtë vite.
Nëse ligji për amnisti do ta përfshinte edhe Ramkovskin, ai do të vuante dënimin edhe për dy vite.
