Agjenda për ditën e sotme e Kryetarit të Komunës së Gostivarit njëherit kandidat, z. Nevzat Bejta, u përmbyll me vizitën në lagjen Mllaki të qytetit, lagje në të cilën në mandatin e kaluar u bë vendosja e ndriçimit publik, rregullimi i disa rrugicave të lagjes, riasfaltimi i rrugës kryesore, ndërtimi i trotuareve dhe kanalizime për ujërat e zeza.
Gjatë takimit me banorët e lagjes, Bejta paralajmëroi ndërtimin e kanalizimeve të ujërave të zeza dhe atmosferike, blloku 21 prej kolektorit verior (zona 7, Mllaki, Pitarnica, Çajla dhe Forina), një projekt që do të zgjidh problemin me ujërat e zeza në këto lokalitete.
Krahas rregullimit të rrugicave brenda lagjes, Kryetari Bejta paralajmëroi ndërtimin terrenit sportiv në lagjen Mllaki, si dhe vendosjen e kontejnerëve për mbeturina.
Banorët u shprehën të kënaqur nga punimet e realizuara dha dhanë mbështetje për të vijuar me projektet e reja të parapara në programin parazgjedhor 2017 – 2021.